Conseguir unha madeira de calidade depende de moitos factores que comezan cando eliximos o sitio da plantación, a especie, a planta, o método de plantación… pero, fundamentalmente, de levar a cabo un programa de podas axeitado. Podar no momento oportuno, na época axeitada, cunha ferramenta apropiada e cuns cortes ben dados é fundamental para producir boa madeira de calquera especie.
Pódense consultar os seguintes videotitoriais que resumen as técnicas da poda en coníferas e en frondosas:
Videotitorial sobre poda de coníferas en galego e en castellano
Videotitorial sobre poda de frondosas en galego e en castellano
Videotitorial sobre poda de castiñeiro para froito en galego e en castellano
Ata hai uns anos aceptábase como época axeitada e xeneralizada para podar os meses do inverno. Nos últimos anos a investigación constatou que non sempre esta época era a mellor, de feito, case para todas as especies forestais é moito máis axeitada unha época diferente. As podas no inverno, e nunha época húmida en xeral, teñen o risco de que os cortes quedan abertos ata que na primavera coa subida do zume comezan, a pechar, co que se expón a árbore durante moito tempo a que pola ferida penetren todo tipo de patóxenos. Esta é a razón principal pola que se recomenda retraer a poda a épocas máis benignas.
Especie | Época de poda |
Bidueiro (Betula sp.) | Entre maio e agosto |
Carballo americano (Quercus rubra) | Finais do inverno xusto antes de que abrolle ou ben en xullo e agosto |
Carballo do país (Quercus robur) | Entre xullo e agosto |
Castiñeiro (Castanea sp.) | Cando comeza a abrollar, entre o 15 de marzo e o 15 de abril |
Cerdeira (Prunus sp.) | Entre xuño e xullo |
Chopo (Populus sp.) | Inverno, e repaso de ladróns no verán |
Eucalipto (Eucalyptus sp.) | Preferiblemente na primavera |
Freixo (Fraxinus sp.) | Entre xuño e agosto |
Nogueira (Juglans sp.) | Mediados de xuño-mediados de xullo, na primavera antes de abrollar ou incluso en agosto ou setembro |
Piñeiro de Oregón (Pseudotsuga menziesii) | Verán |
Piñeiro do país (Pinus pinaster) | Con tempo seco nos meses de calor |
Piñeiro insigne (Pinus radiata) | Con tempo seco nos meses de calor |
Pradairo (Acer sp.) | Inverno, primavera ou verán |
Sequoia (Sequoia sp.) | Verán |
Ao longo da quenda de produción dunha especie, hai que levar a cabo dous tipos de podas: a poda de formación nos 10 primeiros anos e a poda de calidade, que pode rematar aos 20 anos nalgunhas especies.
Os obxectivos da poda de formación son:
Os obxectivos da poda de calidade son:
Para isto hai que facer sempre:
Tan necesario é podar como non podar en demasía. Como norma xeral recoméndase que ten que estar podado 1/3 da altura da árbore. A poda excesiva ocasiona a ralentización do crecemento da árbore (ao deixala sen moita folla ten máis dificultades para alimentarse) e nalgunhas especies provoca a aparición de rebentos epicórmicos na parte do tronco podado.
Unha das claves dunha boa poda é facela no momento oportuno, en pólas que teñan menos de 3 centímetros de diámetro. Podar pólas que excedan de 5 cm de diámetro na inserción do tronco non ten moito sentido, xa que o dano que produciu na madeira xa non ten solución co que o único que se consegue é gastar cartos e esforzos sen ningún resultado positivo.
Utilizamos tecnoloxías como cookies para mellorar o funcionamento da web e para recopilar estatísticas anónimas de uso. Al aceptar as cookies acepta voluntariamente o tratamento dos seus datos. Isto tamén inclúe, por un tempo limitado, o seu consentimento de acordo co artigo 49 (1) (a) GDPR para o procesamento de datos fóra do EEE, por exemplo, nos EE. UU. Nestes países, a pesar dunha coidadosa selección e obriga dos provedores de servizos, non se pode garantir o alto nivel europeo de protección de datos. Si os datos se transfieren aos EE. UU., existe, por exemplo, o risco das autoridades dos EE. UU. procesen estos datos con multas de control y supervisión sin que estén disponibles recursos legales efectivos o sin que puedan hacer valer todos los derechos del interesado. Pode revocar o seu consentimento en calquera momento.