Segundo o establecido na disposición transitoria terceira, do Decreto 50/2014 polo que se regulan os aproveitamentos madeireiros e leñosos, os montes que non dispoñan do instrumento de ordenación obrigatorio e con superficies de corta superiores a 1 hectárea para masas de especies do Anexo I ou 15 hectáreas para o resto de especies, deberán presentar xunto coa solicitude de autorización de aproveitamento, un plan de cortas.
Este documento debe estar asinado por un técnico competente na materia, enxeñeiro de montes ou enxeñeiro técnico forestal, e detalla a localización e características do lote obxecto de aproveitamento, así como, as consideracións ou boas prácticas que debe terse en conta por parte dos responsables da corta.
O contido mínimo que debe un plan de cortas é:
Xustificación da necesidade ou oportunidade do aproveitamento
Plano de localización a escala 1:5.000 ou superior
Superficie obxecto do aproveitamento
Número de pés e volume por especie e clase natural de idade
Valoración económica do lote
Prescricións técnicas do aproveitamento
A Asociación Forestal de Galicia, a través da súa empresa SELGA, Compañía Galega de Silvicultores S.L., conta con profesionais capacitados para realizar este tipo de servizo aos seus asociados.
Esta web usa cookies para asegurarse de ofrecer a mellor experiencia de usuario. Por favor, preme no botón "Acepto" para continuar navegando por esta web. Gracias!AceptoPolítica de cookies