Desde que as comunidades tiveron que tributar polo Imposto sobre Sociedades, a Asociación Forestal de Galicia creou un servizo de apoio para facilitarlle as tarefas administrativas vinculadas con ese imposto ao tempo que se lle puidese dar unha atención de calidade específica nun ámbito descoñecido polas entidades habituadas a prestar ese servicio a outros sectores.
Nun primeiro momento, ano 2000, foron preto de cen as comunidades atendidas por ese servizo. Este número foi medrando de xeito continuado e na actualidade, o número sitúase preto de 200 comunidades, distribuídas polas catro provincias.
Dentro do servizo fiscal a comunidades está incluídos os seguintes traballos:
Realización da contabilidade da comunidade seguindo a normativa establecida no Código de Comercio;
Presentación dos diferentes modelos vinculados cos impostos nos que a comunidade sexa suxeito pasivo (Sociedades, IVE, retencións, comunicacións informativas, etc.);
Contestación aos requirimentos recibidos da Axencia Tributaria e presentación de todo tipo de alegacións que sexa necesario realizar;
Presentación do libro de contas para a súa legalización;
Presentación da comunicación de reinvestimentos segundo o establecido na Lei de Montes de Galicia;
Presentación do Plan Especial de investimentos e gastos de ser necesario.
Asesoría para desenvolver correctamente os ingresos e gastos contemplados nos proxectos de ordenación.
Esta web usa cookies para asegurarse de ofrecer a mellor experiencia de usuario. Por favor, preme no botón "Acepto" para continuar navegando por esta web. Gracias!AceptoPolítica de cookies