No caso de declararse un monte veciñal en man común en situación xurídica de inexistencia, extinción ou desaparición da comunidade de veciños titular do monte, a consellería competente en materia de montes ofrecerá a xestión cautelar deste ao concello onde se atope o monte. Se o concello renuncia, o monte será xestionado preventivamente pola consellería competente en materia de montes ata que se reconstitúa a comunidade.
Non caso de declararse un monte veciñal en man común en situación de grave abandono ou degradación, a consellería competente en materia de montes remitirá a declaración ao Banco de Terras de Galicia, co fin de que a entidade xestora poida ceder o seu uso e aproveitamento a iniciativas do sector privado. Nesta cesión darase prioridade ás agrupacións nas que participen persoas comuneiras do monte veciñal afectado ou a outras comunidades de montes veciñais que teñan acreditada a adecuada xestión dos seus montes e estean rexistradas no Rexistro de Silvicultores Activos.
Aqueles montes respecto dos cales a entidade xestora do Banco de Terras de Galicia informe de que non existe iniciativa do sector privado para efectuar a xestión, pasarán tamén a ser xestionados de forma cautelar pola consellería competente en materia de montes a través do órgano forestal.
A xestión cautelar, en todo caso, pode ser levada a cabo polos propios órganos da consellería competente en materia de montes, ou por sociedades instrumentais do sector público autonómico.
Utilizamos tecnoloxías como cookies para mellorar o funcionamento da web e para recopilar estatísticas anónimas de uso. Al aceptar as cookies acepta voluntariamente o tratamento dos seus datos. Isto tamén inclúe, por un tempo limitado, o seu consentimento de acordo co artigo 49 (1) (a) GDPR para o procesamento de datos fóra do EEE, por exemplo, nos EE. UU. Nestes países, a pesar dunha coidadosa selección e obriga dos provedores de servizos, non se pode garantir o alto nivel europeo de protección de datos. Si os datos se transfieren aos EE. UU., existe, por exemplo, o risco das autoridades dos EE. UU. procesen estos datos con multas de control y supervisión sin que estén disponibles recursos legales efectivos o sin que puedan hacer valer todos los derechos del interesado. Pode revocar o seu consentimento en calquera momento.