Fernando Molina, unha vida entre árbores (1918-2020)
“Fernando Molina, unha vida entre árbores (1918-2020)” é o título do documental dirixido por Manuel Cruz que foi emitido sábado 19 de decembro no programa Labranza da TVG.
Con este magnífico documental, que resume a vida dun dos enxeñeiros de Montes e silvicultor máis sobresalientes, falecido en xullo de 2020 aos 102 anos, a Asociación Forestal de Galicia, quere transmitir a súa mensaxe de ánimo e esperanza para o novo ano 2021, alentando aos silvicultores galegos e aos demais elos da cadea forestal a seguir o carreiro animoso e emprendedor de D. Fernando, que el mesmo nos convida a seguir na súa despedida ao final do documental.