Repopulation projects

Repopulation projects

Os obxectivos dunha repoboación forestal poden ser moi variados e na meirande parte dos casos, acádanse varios obxectivos á vez xa que a masa arborizada poderá proporcionar produtos  e servizos variados: madeira, cogomelos, recreo, etc. e favorecer a conservación de ecosistemas, mellorar a paisaxe e os hábitats para a fauna, reducir o risco de erosión, etc.

A rendibilidade dunha repoboación (económica, ecolóxica…) é fundamental para garantir a conservación da mesma.

Para a toma de decisións necesaria á hora de executar unha repoboación o propietario forestal debe contar coa información técnica necesaria que permita unha elección acertada da especie a implantar, métodos de preparación máis apropiados e compatibles coa protección do medio, entre outros.

Un proxecto de repoboación forestal é un documento técnico que desenvolve e detalla as obras a realizar para a instalación dunha plantación no monte, de xeito que o seguemento do mesmo permita a execución das obras necesarias.

Con carácter xeral todo proxecto de repoboación forestal componse de:

• Memoria que terá carácter contractual e recollerá as necesidades que o propietario quere satisfacer así como todos os factores a ter en conta baseándose nunha análise dos condicionantes naturais, legais e económicos. Nesta parte faise unha descrición detallada de todos os procesos da obra: elección de especie/s e coñecida a especie/s e as características do rodal defínese o método de repoboación, densidade inicial da masa a crear e avaliación da cantidade de planta necesaria, necesidade e tipo de tratamento da vexetación existente, preparación do terreo e coidados posteriores que precisaría a plantación.
• Prego de prescricións técnicas onde se detallará a descrición das obras e se regulará a súa execución.
• Medicións e orzamento onde se indican as unidades de obra, as medicións e se detallan os custos unitarios e as partidas orzamentarias, así como o orzamento total.
• Planos de conxunto e de detalle, necesarios para que a obra quede perfectamente definida e poida ser executada pola empresa contratista.

SELGA, Compañía Galega de Silvicultores, S.L., a empresa da Asociación Forestal de Galicia, a través da que se prestan en exclusiva os servizos que os socios solicitan, conta cun equipo de profesionais que acumula unha experiencia de 20 anos na elaboración de proxectos de repoboación e ofrece a mellor relación calidade/prezo.