ForestED.- Taller de formación para xestores de montes privados no Incio
A Asociación Forestal de Galicia, en colaboración co concello do Incio e dentro do proxecto ForestED, organiza venres 16 de maio de 2025 un taller sobre o aproveitamento das frondosas caducifolias que terá lugar no Salón de usos múltiples do Concello e que desenvolverá o seguinte programa:
- ForestED: madeira de frondosas para usos innovadores na edificación por Antonio Rigueiro Rodríguez, presidente da Asociación Forestal de Galicia.
- A potencialidade do uso da madeira de frondosas na construción, por María Belén Feijóo Lombao, arquitecta da Plataforma de Enxeñexaría da Madeira Estrutural, da Universidade de Santiago de Compostela.
- As agrupacións forestais de xestión conxunta, por Daniel Rodríguez Cebreiro, director económico da Asociación Forestal de Galicia.
- Coloquio e preguntas.
O proxecto ForestED ten como finalidade a obtención de novos produtos de madeira a partir de frondosas caducifolias e coníferas hoxe en día pouco consideradas a nivel comercial. O obxectivo é xerar produtos para a edificación, tanto estruturais como non estruturais (carpintería de interiores, exteriores, etc.) e para mobiliario urbano.
ForestED é unha iniciativa liderada polo Instituto de Arquitectura Avanzada de Cataluña, que conta coa participación do Consorci Forestal de Catalunya, do Centro de Ciencia y Tecnología Forestal de Cataluña e da Asociación Forestal de Galicia.
Dentro das accións desenvolvidas neste proxecto seleccionáronse tres montes obxecto de estudo en Galicia un en Zas, outro en Boqueixón e un terceiro no Incio, concretamente na parroquia de Laiosa. Neste monte de Laiosa, seleccionouse unha masa de carballo onde se fixo unha corta selectiva de pés que foron enviados a Cataluña para a súa análise, experimentación e transformación por parte dos socios tecnolóxicos do proxecto ForestED, o Instituto de Arquitectura Avanzada de Cataluña e o Centro de Ciencia e Tecnoloxía Forestal de Cataluña.
A xornada programada para venres 16 de maio no salón de usos múltiples do concello do Incio é aberta a todas as persoas propietarias e xestoras forestais que estean interesadas na xestión forestal e nas posibilidades do aproveitamento da madeira para a construción así como nas vantaxes das agrupación forestais de xestión conxunta.
Attendance is free and open, but prior registration is required by calling 981 564 011, 618 752 214 or by email at afg@asociacionforestal.org.
This project is an initiative led by the Instituto de Arquitectura Avanzada de Cataluña, with the participation of the Consorci Forestal de Catalunya, the Centro de Ciencia y Tecnología Forestal de Cataluña and the Galicia Forestry Association.
ForestED has the support of the Fundación Biodiversidad of the Ministerio para la Transición Ecológica y el Reto Demográfico (MITECO) within the framework of the Recovery, Transformation and Resilience Plan (PRTR), financed by the European Union – NextGenerationEU.
