A Xunta Reitora é o órgano de goberno, xestión dos montes e representación dunha comunidade de montes. É escollida por votación da Asemblea Xeral e por un período de anos establecido nos estatutos e que, en todo caso, non pode superar o límite regulado na normativa: 4 anos.
O número de compoñentes dunha Xunta Reitora será o que se estableza nos estatutos da respectiva comunidade pero, como mínimo, deberá contar con un presidente e 2 vogais, un con funcións de secretario e outro con funcións de tesoureiro. No caso de que a comunidade estea conformada por varios núcleos de poboación, é corrente que os estatutos asignen os vogais por barrios ou lugares, aínda que non é imprescindible que sexa así.
O presidente ostenta a representación legal da comunidade e, a iniciativa da Xunta Reitora, é o responsable de tramitar as convocatorias das xuntanzas da Asemblea Xeral. O secretario é o encargado das citacións, actas, correspondencia, certificacións, libros de actas e censo de comuneiros e, en xeral, de toda a documentación da comunidade. Por último, o tesoureiro é o encargado de controlar as xestións económicas.
Esta web usa cookies para asegurarse de ofrecer a mellor experiencia de usuario. Por favor, preme no botón "Acepto" para continuar navegando por esta web. Gracias!AceptoPolítica de cookies