Tal como establece o artigo 32 do Decreto 260/1992, a comunidade pode exercer “a administración, goce e disposición dos seus montes, e terá plena capacidade xurídica para o cumprimento dos seus fins, incluído o exercicio, tanto en vía xudicial como administrativa, de tódalas accións que sexan necesarias para a defensa dos seus específicos intereses”. Esta capacidade xurídica plena tamén está recoñecida no artigo 4 da lei de montes de Galicia.
A posibilidade de que as comunidades de montes contasen con personalidade xurídica deu para un largo debate no pasado, habendo consideracións tanto a favor como en contra. O lexislador optou por seguir o criterio establecido na norma estatal[1], onde se consideran entidades con capacidade xurídica plena para desenvolver o seu obxecto social, pero sen personalidade xurídica.
Polo tanto, e a modo de conclusión, unha comunidade de montes non debería participar en ningunha actividade que non se poida vincular de forma directa coa xestión e defensa dos recursos do monte veciñal.
No caso de participar en negocios xurídicos para os que non está facultada unha comunidade de montes, o seu presidente podería estar asumindo un alto risco de cometer algunha infracción grave, aínda contando co respaldo da Asemblea Xeral.
—
[1] Ley 55/1980, de Montes Vecinales en Mano Común.
Esta web usa cookies para asegurarse de ofrecer a mellor experiencia de usuario. Por favor, preme no botón "Acepto" para continuar navegando por esta web. Gracias!AceptoPolítica de cookies